هنا بالساحل الغربي سرى كلٍ على سلواهبنصف الليل نصف الشهر من شعبان هجريّهومن صوت الرياض اسمع ونين الآه والأواههقيت وليتها خابت من الهاقي هقاويّهنبا موت الذي بين المحاني عاليٍ مبناهنباه المر أفزعني وسّبب فالحشا كيّهوحّن القلب عقبن ناح ما أرتاح وآعزاهسلوا كّل العرب حوله ولا صوبه عزاويّهومما صابني وضعي غدا مثل الخلي لي تاهفلا حولٍ ولا حيلة على خدً خلاويّهإلى منه مشى خطوة تخذله بالمسير خطاهولو عّزم على الممشى تثاقل به خطاويّهحضر للذكريات شهود تسترجع معي ذكراهسنينٍ قد مضيناها على الروحات و الجيّهبنجد أم الوعر والسهل يا كم درب قد جلناهمدنها مع قراياها ، هجايرها ، براريّهتذكرت الشعيب اللي على مجراه كّم جيناهتدحرج به جلاميدٍ ليا من سال حيسيّهو على وادي جمل ياما تنومسنا على ممشاهترقبنا محاديره وبارينا مساريّهو على هاك الحويض اللي حضن بيرٍ وردنا ماهدواء التايه روى الضامي إذا هو جاد وسميهذكرت الشمس مع سمحان و جفير الذي زرناهعلى صوت الشخوف اللي هبايبها شماليّهذكرت خريم و التنهات روضً جّل من سواهو درب نساح و الأوسط و نفدٍ بالمحِليّهو عقايبنا على الصّمان يوم أن الدليل أخطاهو زانت به سوالفنا ولو هو هاج سافيّهو لبن شّيد لنا مجلس على هالخدر ذا متكاهومن طيب الذي أحيوه غدا للطيب ماريّهوهذي قصورنا يا كّم كّف طويق حّدرناهعشانه حيل يغليها بسط كّفه لقّديّهبها سورً دعانا دوم جاوبنا ولبيناهجمع ربعٍ زحازيحٍ حزومينٍ جزوميّهيقول اللي على الذكرى تفكّر والفكر أعياهسقاها الله أيامٍ أبد ماهي بمنسيّهأبن عمي محيسن يا رفيقٍ طيبٍ مجناهخذاه اللي وهبه بيوم والآجال مقضيّهعقب حولين مع حولٍ وهو صابر على ما جاهعساها يالولي تكفير والزلات ممحيّهعسى قبره سقاه المزن والجنة عسى مأواهمن الله له طمأنينة رضا والنفس مرضيّه
مناسبة القصيدة
أحدث إضافات الديوان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.