مجاراه - خالد علي اليامي

تدري متى بأنسا ! اذا صار لك ريش
مثل الصقر فوق القمم والمباني

في ذمتي مأنسى ولاني بناسيش
دامي تعلّمت الهوى والحناني

تلميذ شاطر بالهوى دون تغشيش
لاتنصحوني ذاكر الدرس كاني

دامي خذيت الأسله دون بخشيش
ومعلمي بالحب وحده رشاني

وعدٍعلي اسقي كبودٍمعاطيش
من بير شعري كان دلوي لساني

بنتي بكر ومزينه بالدناديش
ارسلتها للي بحسنه سباني

واضح هواها مايبي له تفاتيش
يالعنبو سرّي فضحني جناني

هي معجبتني لو حصل لبسها خيش
مابي دوا كان السحر بالمحاني

ماقدحصل مني ومنها تطانيش
على الوعد دايم..دقايق..ثواني

غيمة هوانا ماغشاها تشاويش
قولو لعاذلنا بيبطي يعاني

© 2022 - موقع الشعر