علّمــــــتك ....

علمتك الحب كيف احب وازيده
وعلمتك شلون وضعي يكون بفراقك

وعلمتك الشوق وقت الشوق ياسيده
وعلمتك الطيش وقت الطيش واشتاقك

عاش الخفوق ومناته يكسب الصيده
وشَتًّت كل الحظور إن غاب براقك

الجرح هذا مكانه وذي مواعيده
كل الدقايق تذكرني بميثاقك

اللي قطعته معاي .. إنحل من قيده
وعلقتها بالظروف وهي معلاقك

سلمتك الخافق اللي كلمته بيده
وصبغة لونك عليه بروعة اذواقك

وتركته يصارع الاوقات تنهيده
وحيد بين الغدر ولمّت أوراقك

هذي عيونه .. وذاك العطر في جيده
وهذي شفاياه ... ( شفت شسوّت اخلاقك؟؟! )

وعلاقتك بالدموع ... ولاهيّ جديده
أقّلطك بالصدر لازادت إحراقك

( برّدة ) لك كل ضيق(ن) صعب ( تبريده )
من زود ( حبي ) يموت ( الضيق ) ماذاقك!

.....
...... وجزأأأأأي ... ...

وجزاي حزن(ن) دفين يعيد تشييده
هم(ن) سكن بالضلوع الحدب ...ماساقك ..!

تركتني بين ( أعيش ) الوقت ( وأعيده)
وأرجع أحلّل سبايب غيبت إشراقك

.....
............ الحزن .... !

الحزن ... دكّ بخفوقي وزاد توكيده
وإنته ( سمعة ) بمعاناتي ... وماضاقك ..!