احد الفصول

لـ ، ، في غير مُحدد

المنسابة: القصيده تعبر عن نفسها بنفسها وواحد من جميع النواحي ولاتحتاج لشرح وانا من طبعي اترك للمتلقى اكبر مجال كي يفهمها من اول وهله

احد الفصول
اسمع اذناب الخلاء قامت تدربك فالطسول
وجالها حس وضريس وكنها في خمخمه
تتبع الدرب الأليف ولاهي بحول الوصول
موالفه للمنحدر وجنه سواء في عمعمه
من مهفه في مطفه ومن عذولٍ في عذول
والحياه الرايقه ماهي لها مترحمه
إعبدت درب المهونه لاتعيش ولاتزول
والصفات اللي رضتها كاصفات المسلمه
لعن ابوها ماتنام ولاتصوم ولاتقول
عابره دربٍ عسير وصدقها تتوهمه
تحضن الموت الأليم وترمي افراحٍ تجول
ولالها غير الدمار اللي رضت في مبسمه
دنيتٍ فيها الشر راحت قطيعٍ في فلول
ولاتساوي بالعمل وزنه بحق محرمه
والبشر عاشت سواء بين الملاهي والخمول
وغيرت وجهه نظرها للهلاك معلمه
ولاحياةٍ للذي يمشي حدورٍ في نزول
من تنكس عمره الباقي يكون مقدمه
عالمٍ غاوي وتايه يوم زادٍ للخبول
والمنيه علمها بالغيب ربي يعلمه
ياموصله الرسايل يامفرقة النزول
اشهد إن الحق منكم للضياع معممه
والحقايق فالخطر قامت تعرض للذهول
والسلامه مكسب اللي الخطاء مايدعمه
والخفايا عندهم قتل الرجل بغدرٍ تصول
فارس الغرات دايم الرجل مايزهمه
والغدر احد صفاته بالظهر دمه ميول
عادة اللي بالضعافه كل حقٍ قسمه
والشجاعه للقروم اللي نحورٍ للقبول
لراعي السيف الشطير اللي مقامه يحسمه
للرجال اللي علاها العلم يطرق للطبول
وتفتل إحبال الغبن والحرب مرسى ودسمه
من لها مجدٍ قديم وسار فالدنيا يطول
لين خلاء قدمه العدوان مثل مسممه
الشجاعه عد قومٍ مايجيه ألاء الزحول
من مضاربها تخل الشين يترك مغنمه
عز قومٍ عن محارمها وضٍد للطبول
تنصف الرجال في حاضر مواقيف إعلمه
والمروه للرجل تاج البطوله والفضول
عند ناسٍ ماتقدر كود قرمٍ بحزمه
والرجال أهل الوفاء من تعزز كل جول
ولاتعدى فوقها القالات بأللي تردمه
ولاغريبٍ بالحياه اللي تقوم إبها الذلول
والثقال إبها خفاف ولاتساوي همهمه
عالمٍ غير صفاته بالصفات أللي تقول
عندنا شرعٍ جديد الظلم دايم ندعمه
أوذت النايم وعاثت بالزهاب وبالحمول
وضيعت بعض الشباب اللي حياته منعمه
والله أكبر ضد من عانق خرابٍ بالدجول
من يحلل بدعه البهتان تمشي محرمه
وكل عامٍ والعرب تنفد عبر إحدى الفصول
والعمر عمر مكانه ونتٍ متورمه
والصبر علمٍ عملبه والأمور إلنا تدول
والنهايه غايه الشيطان دايم مظلمه
الشاعر
فواز علي سريع الروقي

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر