أفرحي يا نجد محبوبي وصل
في مجيه من الهجير استقبليه
والبسي يا نجد من زين الحُلل
ومن جماله كّل دربٍ جمليه
لك شهر يا نجد نجمك قد أفل
ودعي بعده ظلامك و سطعيه
لك شهر وردك بروضك قد ذبل
أطردي بعده جفافك و ارتويه
ومثل روحٍ في ضلوعي تبتهل
وتستغيث الله وتحيى في مجيه ،
أشربي وبلٍ بأرضك قد هطل
بّلي عروق الضما به و انتشيه
أنتشي يا نجد من عقب الكسل
وبّيني له اشتياقك بّينيه
ومن رياضك ، من فياضك ، والجبل
عّن مدى شوقي و حُبي خّبريه
و أسألي لا خاب منهو له سأل
عن غيابه في بعاده أسأليه
أسألي يا نجد وش جّد و حصل
هو على خبري وصالي مهتويه
وإن لمحتي في ملامحْه الخجل
أسألك بالله لا لا تحرجيه
يخجله قول المشاعر والغزل
عّلميني و إدرك إنه يعني إيه
أعرفه محبوب قلبي من قبل
بالحياء ماله مثيل ولا شبيه
بس أنا يا نجد عندي بك أمل
مطلبي هذا دخيلك حّققيه
ليت لك بابٍ وعندي له قفل
لا طرى له بالسفر إيدي بيديه
لا رحيل إلا و رِجلٍ عالرِجِل
والا والله لاغترب عندك و اتيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.