. . تعال هنيا ياقاسي . .
 . . تعال وحرك إحساسي . .
 وخليني أحبك زود وخلك قوتي وباسي
 . . ترى هالكون ياأجمل . .
 . . حلاه بقربكم يكمل . .
 تعاال وزيّن أيامي وحقك لو بقول:إرحل
 . . ياغاية غايتي . . إشهد. .
 . . بإني ماقويت أبعد . .
 ولولا الوجد يدفعني . . ماكان الشوق يتجدد
 . . ياروح الروح ياغالي . .
 . . ترى مابالصبر حالي . .
 وتدري لو تغيب أتعب وأذوب وينشغل بالي
 . . أشوفك . . كلي امرايه . .
 . . بها طيفك لنا غايه . .
 وتزعل لو بغى طيفك . . يكمّل باقي الحكايه
 . . عيونك . . سحرها ليّه . .
 . . وهجيري . . أنت لي فيّه . .
 يتوب السحر بأهدابك . . وروحي بسحركم حيّه
 . . بجيك أقرب من أنفاسك . .
 . . بذو و و ب أكثربإحساسك . .
 بنشوة كاسي . . ابتغرق وأبشرق في حلى كاسك
 . . غرور؟!إشبع لاتتنازل . .
 . . عطيته حق لك واصل . .
 وحتى لو يغيظ الناس! ترى ماهو لهم حاصل
 . . ياسيد الناس ياشوقي . .
 . . ياتفصيلٍ على ذوقي . .
 إذا أنك للغلا شراّي؟ ماابيعك ياغلا سوقي
 . . معاليقي لك تنادي . .
 . . وطيري بحبكم شادي . .
 وأنا أتحدّى إذا واحد يقول:اجنوني بك عادي
 . . يافوق الكل ياحبي . .
 . . يانعمه وأحمده ربي . .
 وهبني إياك وعيوني . . تسولف فيك ماتغبّي
 . . ياضاوي دنيتي أنوار. .
 . . ياحابسني بدون أسوار . .
 رضيت الأسر باحضانك بلاحيره وليه أحتار!؟
 . . عشقتك . . وأعشقك أكثر. .
 . . صبرت . . وماقدرت أصبر . .
 بغيت أكذب وأقول:مابيك لقيت(أبغا ا ا ا ك)بي تكبر
 . . تعا ا ا ل وخلك احنيّن . .
 . . تعا ا ا ل وحقق وبيّن . .
 وشوف وش كثر قدرك . . يابعدالدنيا مو هيّن
 . . أحبك مو و وت وأتمنى . .
 . .إذا في يوم تتعنى . .
 ويمر إسمي على بالك . . وتواعدني وأنا أستنى
 . . على كتفك . .أبي أغفى . .
 . . ومنك ما أبي أشفى . .
 ياشيخ الطيب..ياتاجي وصافي الود لك أصفى

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 59 ثانية
© 2019 - موقع الشعر - بواسطة شركة المبرمجين