صـوت جـروانـي ..!

لـ ، ، في غير مُحدد، آخر تحديث :

يقول اللي يحب اللي يحارش فوة البركان
سلام الله على ربعي سلامٍ عبر الالحاني
يجيك الرد لا ترتد عن درب القصر برزان
ولو انهد بيت العز ثبّت فيه الاركاني
ومادام انك ذكرت (محمد العثمان بن طعّان)
طرقت الطرق لعيون المزون بصوت (جرواني)
ولا يخفى عليك الوضع والايام والازمان
تعيد الذكر لاهل الذكر والبرهان برهاني
انا من ساعةٍ سقت القدم ال (وادي العجمان)
لقيت البن والعنبر يعن أبراس الالماني
اذا تقدر على الطوفان خلك باوسط الطوفان
وحط اسمك على شوف الغواضي قدم الاعياني
تكلم في لسانك في كتابك حدد العنوان
وانا ماجبت غير اسمي وكتبي وسط عنواني
واذا همك مع غزه ترى من قبلها الجولان
واذا هّمك على دم العروبه وين الاحزاني؟
تعال نغيّر الموجه ونعطي هاجسك برهان
على هاك الهنوف اللي سقاها برق الامزاني
اهيم بصفحة الماضي واردد صيحت الشجعان
هلا الردات مقباس المنايا فتخ الايماني
ولا يجدعك يالهامه عن الابدان والامتان
سوى من رافعك ياهامتي من فوق الامتاني
اذا السلطان في ذاك الزمان يذلل السلطان
علامه في زمان اليوم يطيع هروج سلطاني؟
قطعنا الروس عن شرق الجزيره والوعد طهران
ومات الليث في عيد الضحيه ليه يافلاني؟
سلام الله على بيت القصيد بحضرة الشبّان
من اهجوسن كتبها خافقي واعتاض شيطاني
وانا ما اقول غير الله يخلي من رفعلي شان
مع الطاروق يفتل نقضتي .. صح الله لساني
ليال الشبط تدحر في جحوره زمرة الديبان
تنفّح من لغاديده سمومه صهو بركاني
تبي ترسل على الوافين وتدعي باوسط القيفان
واهم اللي عطونا صورة القادات طلياني
لو ان السيف ياصل طلعت المارد ورى عمّان
سفينة نوح ماتحتاج له قايد ورباّني
تغنى هاجسي باللي سكن سور الفخر دسمان
وعم الخير في دار الصباحي كل الاوطاني
مادام ان لي ذرى باخوان مريم واسمين الزان
اكابر ياعرب وارفع على الضلعان نيشاني
اذا القمه بها جمع العرب وش فرق العربان؟
رجاءا من قرأ خطي يعيد الفكر بالحاني!!

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر