غروٍ بدى

لـ ، ، في غير مُحدد، آخر تحديث :

في مقدمي غرو ٍ بدى والنظر فيه
خلاّ لابو سامي مع الليل تذكار
ياليتني راودت به ومتقفّيه
يالتيني ياخوك صديت الانظار
ابليس حيّ وعزّي لمن يغويه
عزّي لحال اللي تبعثر لما صار
هو انت ياخلّي تشوف المتاييه ؟؟
هو انت ياخلّي تخفّيك الاقدار ؟؟
الله حسيبك وش بحالي تسوّيه
الشاعر البيطار ماعاد بيطار
والخافق المجروح منهو يداويه
والشامخ المسفوح ياكيف ينهار
الله وكيل الحب ماكبر بلاويه
يودعك مرتابٍ مذيّر ومحتار
لك يازمان اهل اللغط علمٍ ابديه
يكفي على قلب العنا لعب الادوار
ودّي اعوّد واتعزّم واخلّيه
ودّي اعوّد وادهل السلم والكار
ياللي تحسب غيابك الناس تطريه
عواذلي تجيب لي عنك الاخبار
ماهيب غايه شاعرك ماتوافيه
وماهيب لحيه لو اهمّشك واختار
ياصاحبي من عادي الشعر اهديه
واليوم سقته سوق صمّات الاحفار
لله درّ الحب ان كان تخفيه
ولله درّ اللي على العهد صبّار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين