جـــــدار الصــمت

ألا ياجدار الصمت ماعاد باقي صمت
ياجعله يشوف اللي بغيته ولا نلته

على دربك اللي في حراويك سرت وهمت
ولجل الكلام العذب والخلق مثّلته

لأنك.. لي أغلا. من تغلا ..وله ..نادمت
وأنا عادتي راعي القدر ..ماتجاهلته

بليا..تردد.جيت لك ...جيت ماساومت
وعن أللي تخلف ..لجل عينك تحملته

وأنا لا..دعاني .داعي الصدق..فيه الز ِمت
ولاسقت ..عذري ..دون تبرير وأهملته

وعن ..ماجرى ماضٍ تركته ومنّه شِمت!!
وياليتني..ما أنسقة خلفه.. وجاملته

أنا..كل ماأطريه بخيالي..جلسة وقمت
عليك الله أكبر ليه حسي تساهلته

ببحرك سبحت ..وطال موجه علي ..وعمت
وباقي كلامٍ وسط صدري ولا قلته

وأبي عطفك المحسوس..بالله لو أتكرمت
ولك صونته عندي..الى من تناولته

فداك القصيد وصاحبه ..وين ماقدّمّت
وأنا الشعر ..لامني تمثلته أجزلته

يلبى أعيونك..كل.ماتنظر وأسلهمت
ويالبى الثقيل اللي من القلب طاولته

يقولون وش يبقي الغلا ..وأنت ماداومت
وأنا أقول ..لا..لا..كل شيٍ من أولته

عيوني..نظرها..للعلا..وأنت لو سلمت
هذيك الخفايا..دونها الباب قفّلته

ولاخير في دربٍ تاليّه..ياتي به شمٌت
على اللي بغى عدله ..ويقتات خاملته