بمناسبة حفل زفاف الشيخ متعب بن نايف بن نفيشان العازمي - فهد عوض العازمي

يالله ياعالم بما تخفي عبيدك فالصدور
ياواحدن يعلم قيام القايمه وأسبابها

ياكافل أرزاق البشر ياعالم بكل الأمور
يامفرج الكربه عن المسلم ليا ضوابها

من بعد ذكرك ياهلا يامرحبا بكل الحضور
عد الجبال الراسية وسهولها وهضابها

وأعداد قطرات المطر وأعداد باقات الزهور
وأعداد من زار الحرم وأعداد من صلابها

الليله الليله يزين البال ويطيب الشعور
في حضرت وجيه السعد تقدير نايف جابها

من شاعرن لا قال كلمه مايلف ولايدور
لاقالها يحسن ملافظها ويعلم مابها

يزين قافه لامدح شيخن يزيد النور النور
شيخن صعيبات المواقف مايحسب حسابها

الشيخ أبو نايف زبون المرجله واف الشبور
اللي ليا كبرت مشاكلها يفك أنشابها

الوافي الشهم الكريم الطيب العدل الجسور
لاقامت تحد السنين ضروسها وأنيابها

ونايف شديد الباس لا وصلت مواصيل النحور
لاهابت أتباع الردى من خوف قطع أرقابها

اللي ليا صار الزمن في ظلمه الدايم يجور
ياقف مواقيف الرجال اللي تعز أصحابها

الشبل يطلع للأسد والنمر يطلع للنمور
ومتعب طلع لأبوه وأشتال الحمول ونابها

وأنا مدحت ولا أقول أن الرجال أبهم قصور
كلن على طيبه وطيب القوم من أنسابها

وأنا حضرت بواجبي من بين آلاف الحضور
وجعل القصيدة نالت أستحسانها وأعجابها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر