هامة العز

ماني من اللي ينحني بالسهوله
لي هامةٍ يخضع لها العز ويلين

أعرف مواجيبي وشرعي وأصوله
وأحسب حسابي وادرك الشين والزين

بنت الأصل بنت العرب والحموله
بنتٍ لها في مطلع الشمس تبيين

عزمي قويٌ وكل كوكب أطوله
وأرقى بفكري فوق روس المعادين

لو كان تعني بالغلا ما تقوله
خل السعادة تبتسم للمحبين

الحق حق ونتِّبع له أصٌوله
ونبعد عن دروب الريا والتلاوين

أتعبتني والوقت شحَّتْ فصولهْ
ودِّي الربيع يضمِّني بالرياحين

ودِّي الهنا منِّي قريبْ وصوله
‏والفجر يشرق بالفرح والتلاحين