غـلـطـة - مساعد السوارج

غلطه وأنا أرجوك لا تزعل على شاني
الذنب ذنبي وأنا غلطان حبيتك

كنت احسب انك مع الأيام تهواني
أثرك تداري خفوقي يوم أنا جيتك

جيتك وكلي غلا واثر الغلا فاني
ماهوب ذنبي ترا يوم إني اغليتك

ليتك تحس بشعور العاشق العاني
واللي جر اله من الصدمات يا ليتك

وأنا ادري انك تموت بواحدٍ ثاني
ومع كل هذا حشي ما يوم جافيتك

اكبر مصيبة ليا قلبي تحداني
وعاندت قلبي وعلى ما صار جاريتك

عز الله إن الغلا في حبك أعماني
وإحساسي اللي بلاني يوم لاقيتك

ليتك مع الوقت يا عمري اتمناني
مثلي وأنا اللي من الدنيا تمنيتك

وان كنت ناوي على صدي وهجراني
ماهوب ذنبك أنا غلطان حبيتك

غلطه وأنا أرجوك لا تزعل على شاني
ما غير طيفك لفاني وصحت ناديتك

© 2023 - موقع الشعر