خبـــرونــي - محمد المسيفري

خبروني وأضحك آليا من طرالي
يحسدوني وانا توني ما بديت

آه واعزاه لو يدرون تالي
أو دروا وشلون بأخلاقي عليت

عيبي إني لا رقيت أرقى لحالي
وعيبهم ما قد رقوا يوم ٍ رقيت

شاعرك يا نور عيني أرتجالي
ما يعدل في قصيده بيت بيت

يكفي إني صرت فعيونك مثالي
ولا يهمك دامني لجلك بقيت

إدرْي إني من عرفتك ما أبالي
وإدرْي إني لغير عينك ماوفيت

أنتي يا سبة شتاتي وانشغالي
هزني دمعك وجيتك ما قويت

جيت أبشكي الناس وعيونك ظلالي
ويوم شفتك بين هالناس استحيت

خايف اني من بعد ما كنت عالي
أضعف ويضحك علي لا من بكيت

ذكريني كل ما صديت سالي
وهزي كتوفي إلا مني سهيت

© 2024 - موقع الشعر