بعد نتائج برنامج شاعر المليون الأول

مبروك يابن فطيس مبروك يالفين
ومبروك ياولد الطنايا الشهيره

والحظ أوفر يالعوازم تبي تزين
والموسم القادم نعوّض بغيره

وعتيبه الهيلا على الراس والعين
دزوا ولدهم للمراحل الأخيره

والعازمي لو مانجح مابها شين
لعل في بعض الأمور المخيره

وحنا كما كنا على العهد باقين
نرسل نصوّت في رسايل قصيره

خذها ترى والحاضر أحسن من الدين
واليد تقصر والعيون البصيره

ومحمد مريبد كسبله ملايين
وفي صفحة التاريخ دوّن مسيره

وختامها صلوا على راسل الدين
عد الرمال وعد حب الشعيره