قصيدة بمناسبة حفل التفوق بالثانويه العامه - فهد عوض العازمي

الطيب لهل الطيب مبدأ وعنوان
والطيب يمدح طيبين الفعايل

والنعم فالمطران لاقيل مطران
دايم بفعل الطيب هم الأوايل

منهم سليل المجد من فخذ ديحان
أبو دعيج معدلن كل مايل

ومنهم عوين الحق في كل الأحيان
(الهاب) وسط العز صايل وجايل

ولا العنوز مرجحت كل ميزان
الطيب دايم مكسب عيال وايل

منهم زبون الطيب فالحق ما خان
فهد أبو فيصل كريم السبايل

ومنهم زبون المرجلة طير حوران
أحمد أبو شامخ بيوم الصمايل

ولا العوازم صيتهم عبر الأزمان
أهل الفعول الكاملات الجزايل

منهم علي الصيت فالطيب له شان
عبداللة الصعفاق واف الخصايل

ومنهم رفيع الشان بالطيب ماهان
مطلق محمد مخضعن كل طايل

ومنهم أبو نصار فالوصف حيران
مدري أقول أنة على الطيب نايل

هم الذي مشوا طوابير الأركان
وللمدرسة ساقوا جميع الوسايل

قامو على تزويدها قدر الأمكان
وماقصروا في شي والشك زايل

وأكبر دليل اللي يسوونة الأن
سوو حفل حق ازملانا الأوايل

ولا الأدارة كلهم دون نقصان
وأقسامنا ومدرسينا الأوايل

ماقصروا بمساعدتنا على شان
نصعد سنام المجد والمجد هايل

هذي قصيدة أشرحت كل ما كان
مير أسمحولي يالوجيه الفضايل

وختامها صلوا على أطهر أنسان
عد المطر وأعداد وبل المخايل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر