أرتـــــحــــــتـــــلـــــي - فهد عوض العازمي

أرتحتلي وأنا بعد مثلك أرتحت
وأعلنتلك حبي وجازيت بأجراح

لا وا حسافة ليت بالسد مابحت
وأخفيت مكنوني ولبسته وشاح

أو ليتني في طاري الحب لمحت
وجسيت نبضك كود للهرج ترتاح

أنشهدني مخطي ن يوم صارحت
مخطي ولكن راح كل الذي راح

وش تنفع الحسرة عقب منت روحت
غير الهموم اللي على القلب تجتاح

ياللأسف سليت سيفك وجرحت
وأدخلتني جو الكآبه والأتراح

وأسقيتني كاس المراره وصرحت
أني أنا أنسى المحبة والأفراح

أنشهدني بالمحبة تجرحت
وصارت حياتي كلها ضيم واجراح

ياصاحبي لو ماتألمت ماصحت
وماشفتني ماطيق زادي والأمراح

تدري وش اللي صار من بعد مارحت
كني محضر عند نزاع الأرواح

وتدري بأني ساهر الليل مارتحت
مغير أهوجس بين مركة ومسباح

حتى بعد جرحك لها الحين ماطحت
متعلقن حبك بقلبي ولا طاح

منيت نفسي في وصالك وكافحت
والحمد لله قلبي الحين مرتاح

ياما على حقي تعدى وسامحت
سلم الحبايب فيه مخطي ودماح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر