قصيدة مسانده لراشد فاروع العازمي - فهد عوض العازمي

هاض القصيد وهاض منهو يقوله
لعيون راشد يوم غنا غوانيه

الشاعر اللي بايناتن فعوله
اللي كسب عالم بطيبة مباديه

شاعر علم مغوار منهو يطوله
مسكين منهو بالمعاني يجاريه

شاعر سبح بالشعر عرضه وطوله
ويتقن معانيّه ويتقن قوافيه

شاعر أله بالشعر صوله وجوله
معلن وجوده بالشعر قبل يلفيه

لامن سمع بيتن صعابن حلوله
يعرف معانيّه ويعرف خوافيه

ورى بعد نواف نزل حموله
جاكم ولد فاروع بعده يلبيه

كل العوازم فالمجالس تقوله
راشد خلف نواف لاحان طاريه

راشد ولد فاروع رمز الرجوله
الشاعر اللي مذهلاتن معانيه

عزالله أنه من رجالن زحوله
عزالله اني بالشعر أفتخر فيه

تكفون ياربعي رجال البطوله
نبغى ولد فاروع كلن يهنيه

أنتم هل الفزعات قوموا أفزعوله
الشاعر اللي طيباتن مباديه

نب ندفع ونرسل ونرخي سيوله
لعيون راشد يوم غنا غوانيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر