ماتشيّخـنـا نـسـاويـن وتـجــاره

الحشاء من بحر 00والبال سناره
والجروح بغبة الصدر منثره

أظهر إمن البيت لامسجد الحاره
غير ذا الدربين مال القدم جُره !

أفرح بضيفي وعلمه ومسياره
وأرفع الترحيب وأثنيه وآكرّه

واحدٍ يمناه ماتسبق يساره
عيب 000لا تبكي على موته ألحره ‍‍‍!

الفتى يرخص من العين مقداره
لالبس له ثوب من كبر وأزدره

يحسبنّه قاد فى الحرب طياره !!
مادرى أنه من عيال أمس وتغُرّه !

ورثة العطار لعياله أعطاره
ويرّث المغبون لعياله الحره

ماتشيّخنا نساوين وتجاره
الطلاقه عين 00واحنا لها قره!!

ذكرنا فى الشرق كنه جبل قاره
وذكرنا في نجد تشهدله الحره

الكرم حنا مشايخه واكباره
والشجاعه مال وقلوبنا صره

مايقلّب في نقاء كون عثّاره
(نيّة الوافي من الدقن للسُرّه) !!

ريّح إمن العز منت بولد كاره
وأفّترٍش بطحاً على القاع منّثرّه

طالباً ثوبه 00وجنّبيته عاره:
وش يجمّل به على فاقلٍ بُرّه ؟!؟!

جعل عودٍ ورثك جنة انهاره
وانت حي دون سره ولا ضره

فعّلم إن النفس بالسؤ أمّاره
والردا ماله معاذير بالمره

ومركب الاحلام مافيه بحاره
والبحر ماهو على حلم يتشره

والوطن لولا نسانسه وغباره
ماعشقنا القاع مالذر ,,للذره !

جمّل الله حال زندي ومعباره
معه سرٍ منّه الناس مستّرّه

مني وفيني وأنا خوه واستاره
لين أشوفه ضلع وأجزاه وأبرّه

للغلا عندي منابع وقطاره
حاكمٍ قلبي من البحر للدره

حط لك قوسين وأكتب لك عباره
فى الحشاء مغّترّةً ٍ مثل مغّترّه

عادفيني شف00 واعزوم جباره
والهوى محّلوو00 والنّفس مخّضرّه !

الله أعلم وين اراضيه وادياره ؟
شايخ ٍ خلاّ المعاليق منجرّه

يانفس صدري وياغالي أسراره
حرّمو ريقه وأنا أشفاي مظّطره

أشفق لموته 00وقبره00 وقبّاره
ويل والي من سواده00 و 00 محّمرّه

أتنشّد عنه ويش آخر أخباره ؟
أوحشتني شوفته خذتني شره 00

أتنقّى منه ماحِب وأختاره
حتى لو مابه من الكرّه ما كرّه

من شرب خمره ,, وتكّا على باره
مايجنّب منه حلوه ولا مرّه