شخبار قلبك ..؟ - علي مساعد

شأخبار قلبك عساه اشتاق ف..غيابي
عساه يذكر ليالي الحب و سنينه

هلا بك أكثر هلا في متلف أعصابي
يا مشعل الكل فى حسنك و تكوينه

ليتك دريت بغيابك ايش سوابي
ستين طاري يهز الجوف بيدينه

من يوم هليت كل الكون هلا بي
والحظ قامت تباشر بي عناوينه

من هيبتك ما قويت أبدي لك أعتابي
فى وقتها اللوم مدري ويني..اوينه

خذيت من احسابك عطني احسابي
ماصار بعدين ديانك يبي دينه

يا اخر اللي بقا أصدق أحبابي
ويا أول اللي عشقت وراح فى حينه

مادام حسنك نبت فى داخل اكتابي
تلومهم لو قصيدي قالوا اش زينه

مليت أبي ارضاك مدري كيف يرضا بي
هو وينه ارضاك قلي احترت في دينه

ماهيب حاله أنا عايش على أعصابي
والهم سجان دايم عينى ابعينه

© 2024 - موقع الشعر