سوالــف الــقمرا - عبدالله العشيشان الشراري

وشلون مّر الليل وآنا آتغنا
واسامر نجومه واسولف لقمراه

وأخبّره وش صار بالعشق منا
نضوي شموعه حب ونقول محلاه

حبيب عمري منك قلبي تعنا
جرحين من فرقاك مع خوّة الآه

يرضيك أعيش الهم وآنا آتمنا
شوفة عيونك عقب آه(ن)وويلاه

شفت الليالي مابعد جمعنا
وكل(ن)على ماقيل غنّا بليلاه

ماهي سوالف.!هالليالي طونّا
وكل(ن)تعذّب ياحبيبي بدنياه

الله يفرّق شملهن فرقنّا
واحنا حبايب دون ذنب(ن)جنيناه

أغليك والله والمحبه وطناّ
وجرح(ن)من عيونك هلابه وحياه

ودام القصايد بالغلا تحتضنّا
بهديك انا كل القصايد مغناه

وخل الليالي يعطن العلم عنّا
الليل تحلا خوتّه وانت قمراه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر