حــان الــسفــر

حان السفر يا حبيب الروح
ووالله ماني بمرتاحي

وشلون انا باتركك وآروح
وازيد من بعدك جراحي

عنك الخطا يالغضي مدموح
اقبل يا بوخد وضاحي

وان كان انا اخطيت قل مسموح
يرتاح قلبي ..وترتاحي

ما شفتها دمعة المجروح
سحابة(ن) برقها لاحي

والحاسد ان جاب فيك جروح
والله لاصّوب له رماحي

واقول يالغالي المملوح
تراه قلبي معك راحي

ذكراك برق(ن) علي يلوح
والعشب يوم المطر طاحي

اغليك ما قلتها بمزوح
غلاك بالقلب ما راحي

ولا لي بعد غيبتك مصلوح
سدي على غيبتك باحي

حان السفر يا عديل الروح
ولاني بلياك مرتاحي