لاعني

لـ طلال السعيد، ، في غير مُحدد

لاعني - طلال السعيد

كله سبب من لاعني بالموده
وأقفا وخذ روح المعنّى خذاها

أربع سنين بالدقيقه نعدّه
نشرب كدايرها ويشرب صفاها

مالي جذى غير بس دمعة وونّه
تلعب بي الحسرات وأمشي بهواها

أعض سني في بهامي من الندم
ذي حالة اللي حاجته ما قواها

أقنب قنيب الذيب وأعول عويله
لامن تقرّت عبرتي جا سواها

غربلني المجمول وأحرق ضميري
حط بحشأي جروح تنزف دماها

أنا عذابه مشتقٍ به معنّى
وهو بعذابي بين ربعه تباهى

أنا شرين القرب منه بروحي
وعرضت له روحي وهو ما شراها

أنا أعطيته كل عطفي وحبي
وطلبت منه كلمةٍ ما عطاها

يشوف حالي مايهوّن مصيبتي
يضحك وأنا روحي عناها

طواها قلبي عليه وقلب خلي على الصفا
نفسي قوتني وهو نفسه قواها

أشكي من الحرمان وأبكي من الجفا
جروح العليل الكايده وش دواها

ترجمت وناتي بمعنى قصيدي
وأرجي عسا يبكي لها من قراها

يقولها اللي حطّم البين ضامره
واعيني اللي نومها ما هناها

© 2024 - موقع الشعر