القطريين المخطوفين في العراق

لـ منصور الوذين المري، ، في غير مُحدد، 161، آخر تحديث

القطريين المخطوفين في العراق - منصور الوذين المري

ارحبو ثم ارحبو ملايين وتزيد
مرحبا بمن هو تعنى ولا حوله ردا

ارحبو في حفل ربعي مطوعة الضديد
المنخس ال حنيتم ولقولي شهدا

واسمعو قافٍ نسمِعه القريِب والبعيد
ونذكر فعول المناعير اومرا وعقدا

ياتميم المجد ياراعي الفعل الحميد
ياسديد الراي طيبك الى ماله مدا

كل بادي شمس يطلع لنا علم جديد
يفرح اهل الدار واللي معاهم برغدا

واخرتها فك ربعٍ مساجينٍ بعيد
من ورى بغداد والفكر منهم ماهدا

بالشجاعه بالمروه ورأي من رشيد
من الامير الوالد اللي برايه تسعدا

وحنكتك يابو حمد تراها اللي نريد
لين ربي اطلق اللي نبغيهم ونهدا

القهر والموت قفَايهم كنهم شديد
وفي سجن الالحاد باتو فرادى ووحدا

والله انهم من رجال وذو باس شديد
لاكن غدر الفُرس اللي معاهم يوجدا

والله لو انها مع الوجه والسيف الحديد
ان تجينا اعلوم تطول السان المنشدا

لاعتزو عيال ال ثاني يجي علمٍ اكيد
وانثنو الاد مره ومامن الشر مغدا

ومن معاهم من القبايل لهم علم تليد
وبيعةٍ للروح حانت ولا فيها فدا

ساعة من مات فيها نقول انه شهيد
ونستشهد باسمه طناخه وبمثله يقتدا

وارحبو ولكم تحايا كما الدر الفريد
والمعذره كان في القاف قول به ردا

© 2024 - موقع الشعر