?تخلبطت عندي جميع المفاهيم

لـ فهد المنصوري، ، في المدح والافتخار، 180، آخر تحديث

?تخلبطت عندي جميع المفاهيم - فهد المنصوري

ماعاد في صدري سعه للمقاديم
الأ مغز الخيط في ثقب الابره

يا ليل من قافك عزفت التقاسيم
ولا شفت في حال الموالين دبره

لك في جبين الليل بانت تعاليم
وسمعت لشفاه المحبين نبره

منوّل اشرع في دواها ليا سيم
واليوم مالي في دوى الجرح خبره

تخلبطت عندي جميع المفاهيم
والكتف ما توكل كما العام هبره

وٰالارض لو ضاقت على اهل المجاهيم
اللي عليها ... يحسد اللي بقبره

طابت مسارينا ،، وحنا معازيم
ويقنت ما للجرح يا كود صدره

وامنت باللي سلّم الامر تسليم
ان الحكي ما فاد لو سال حبره

#فهد_المنصوري
© 2024 - موقع الشعر