أبسط حقوق الانسان

مبدا الكرامه أبسط حقوق الانسان
وعند العلف تلقى طموح البهايم

يا اهل المناصب والزمن خير برهان
ما غير وجه مكوّن الكون دايم

النفس ما هو حق تِجْرح وتِنهان
بعض انتصارات الاوادم هزايم

حسن التعامل والتواضع والاحسان
لاهل الشرف ولا الهلايم هلايم

الدوله اللي ترفع اصوات الاذان
فيها يقام الظلم والشرع قايم

يالله عن دورة دواليب الازمان
تفرج على عبدٍ مصلّي وصايم

اللي يما يصبح من الليل سهران
ما هو من اوجاع الصواديف نايم