ان شفت طبع البشر كَدّرك ..

ان شفت طبع البشر كدرك
ولا عاد تقدر تجاملهم..

لاتضغط أكثر على خاطرك
لو تترك أشياء داخلهم..

فز وتنهض وخلك حرك
وبمثل ما جاك عاملهم..

خشم المنافق يبيله فرك
و جا وقتها لا تأجلهم..

ناسٍ تحسب انها بالسرك
لا بد تنهي مهازلهم..

ونفسك ترا حقها تنصرك
عن شوف ناسٍ تثاقلهم..

وقدر جميع اللذي قدرك
وأكرم و زوّد مقابلهم..

واذخر زهابك لمن ذاخرك
و بشر بشيٍ يجملهم..

خل الذي ارخصك يخسرك
لو كان تكثر بَلابلهم..

جاهلك هرجه مهو صاغرك
وعارفك هرجه يزعلهم..