حجم الضيق !! - عبدالله خالد البكر

ان كان ماجابك لي الحب والشوق
لا طال صدّك ما ابي منك مشتاق

اما نعيش الحب في وصل مرموق
ولا يخلف الله على كل توّاق

مايجهلك اني اعاملك في ذوق
والناس ماهي كلها عندها اذواق

اعرف تراني فوق وان غبت .. انا فوق
ياعنْك ما يثنى مقامي للاشواق

لا ضاق لي خاطر ولو ضاق بيروق
يا قل حجم الضيق فعيون من ضاق

لاشك وافي بالمحبه و موثوق
بس الوفاء ميثاق و الصد ميثاق

ان كان ماجابك لي الحب والشوق
لا طال صدّك ما ابي منك مشتاق

© 2024 - موقع الشعر