القصيد ان كان ما يجذب صداه = علّمو راعيه لا يتعب عليه - يوسف بن محسن العضياني

القصيد ان كان ما يجذب صداه
علّمو راعيه لا يتعب عليه

والقصيد اللي يشد الإنتباه
يا لمثل اليوم و الا ما نبيه

وكان ما صغناه في روس الدهاه
وش نقدّم عند بيضان الوجيه

أرحبو من كل لابه واتجاه
ارحبو ثم ارحبو عند النزيه

عند شيخٍ يشرح الخاطر نباه
والصعيب يهون يوم انه يجيه

هو سليم عز مكروبٍ نصاه
وارث الأمجاد من جده وابيه

للحمول ارسى من جبال السراه
شامخٍ من جاه زابن يحتميه

طيب ابن شبلان ما يلحق مداه
والمديح يزين يوم يقال فيه

من دهاه وطيب مجناه ووفاه
المدايح كلها تقل تعنيه

مالفوه ضيوفه الامن غلاه
الوفا والطيب زارعته يديه

وعادة العضيان للموقف حماه
والرفيق بكل غالي تفتديه

في نهار الكون يروون الشباه
وعن مراده كل خصمٍ تحتديه

لابة تخضع لهم روس العصاه
ومجدهم نجم الثرايا معتليه

قول ابن موطان واروو يالرواه
وانتبه للعلم يالقلب النبيه

القصيد ان كان ما يجذب صداه
علّمو راعيه لا يتعب عليه

والقصيد اللي يشد الإنتباه
يا لمثل اليوم و الا ما نبيه

الشاعر يوسف بن موطان العضياني
yosf1983@

© 2024 - موقع الشعر