العين من ماء شافتـه ملّت النـوم

العين من ماء شافته ملّت النوم
والرجل عن بعض المشاوير كلّت
 
ماني على بعض الرفاقات ملزوم
هيبتك لاقدرت الانذال قلّت
 
احدن على رفقته مانرخص السوم
ترفع كريم الوجه نفسن تعلّت
 
وحدن نبيعه فرخص المال للقوم
ماتنومن نفس الردي كان ضلّت
 
وقت الرخا جدول رفاقتك مزحوم
ون صكتك صكات بقعاء تجلّت
 
مثل السراب فحامي القيض موهوم
مايروي الضامي ولا الكبد بلّت
 
لاكن على من يجتمع فالعرب دوم
يصبر على عوج العوج لاستعلّت
 
فالصابرين الصبر لو كنت متهوم
قال المثل بعد ان تعلّت تدلّت
 
لو في جنوب الوادي العشب كيهوم
وطلوعه من الوسم والضان فلّت
 
لابد مايقفاء الحياء فالدهر يوم
والأم عن ذكراء ولدهاء تخلّت