مسافه

لـ أحمد المغربي، ، في غير مُحدد

مسافه - أحمد المغربي

كن المسافه بيننا جرح وبعاد
والدرب مظلم والاماني طويله
 
هاتك أبيك من الجفى كافي عناد
اليأس غطى هالبلاد الجميله
 
جفت محاجر هالوله بسني عاد
اذرف مواجع غيبتك كل ليله
 
منفاي من موطن بعيد وبلا بلاد
والريح : سوط ، وشمعتي له ذليله
 
ادري بأن ف عمري الوقت : جلاد
كل يوم وضلوع الزمن تنحني له
 
ياما سألت العابر بكل الابعاد
أحدٍ ترك عمره ل خاطر خليله ؟
 
واحدٍ ستر دمعه وفي قلبه أصفاد
حاملْه ف يدينه وسالك سبيله ؟
 
وياما خذيت من الجبل صبر الأوتاد
وياما سقط حلمي وصبري يشيله
 
صابر ولكنّ الصبر فيك ما فاد
أعبر من الذكرى ، وعيني تسيله
 
وكلما تذكرت الوصل : جرح وبعاد
وايدي قصيره والأماني طويله ..
 
أترك حنيني ل الزمن واترك عناد
وآقول : ربي خالقه وْله بديله !!
© 2024 - موقع الشعر