رسالة الى روح ( بنيتك )

جيت من ضيق الحكايا / انتي قلتي صدق بنتي ..
ولانك انتي في حياتي عن جميع الناس غير ..

يعتذر صدق اهتمامي / باقيه انتي هي انتي ..
ماقصدته ضيق قلبك / طيبه روحك كثير ..

مثل امي مثل اختي ايه اضيق ان كان غبتي ..
والله يعلم في نقائي والله بقلبي خبير ..

لابغيتي شي مني حتى بُعدي لو امرتي ..
ابشري به لاتخافي انا لي قلب ٍ كبير ..

كيف اضرك كيف قولي والله انك مافطنتي ..
او نسيتي !! صح نسيتي ان لك عرش ٍ مثير ..

من غلاك ارواح غارت ثم قالوا مني ضقتي ..
وانا مابين الحكايا تهت في شيٍ خطير ..

تايه ياروح اسمك بين قلتي او ما قلتي ..
تايه لكن اردد لك عقل ماهو صغير ..

غامضه ابياتي لكن محتواها انك فهمتي ..
ما قصدتك لجل حاجه / حكيهم كله حقير ..