قصة شجاع

اذعني ياروس بقعا وافطني لاجات منّا
واعرفينا مارضينا بالمذله والهواني

التحفنا بالصبر عامين والثالث وصلنّا
لاانهدم بيت الفقير ولاارتفع فوقه مباني

ثابتٍ مثل الجبل لو بالهبايب ذعذعنّا
ولاتحرك من حيوده حيدةٍ تبغى الطماني

ووالله انّا ماهقينا بالهزيمه في وطنّا
لين شاخ الجدي في غيبتك ياسهيل اليماني

وانكشف وجه العدو الي نحسبه من ظعنّا
لين قال الكلمه الي بينت روس الاذاني

هان ربي من يقول انّا على الميقاف هنّا
عزوةٍ يفخر بنا المظلوم لامس البطاني

ومن وقف يشهر سلاحه من هباله مستجنّا
نجبهه يالين يعرف قدرنا والعمر فاني

قلتها وانا على الميقاف حاضر ماتونّا
ولاخذيت الشور من راس البخيل ولا الهداني

موقفي ماهوب موقف واحدٍ لاضاق ونّا
اكرب احزام المراجل واعتزي بااطيب اخواني

وان حصل في الوقت شح وحالةٍ ماتنتمنّا
ماقصر يمناي شحه عن طويلين اليماني

ماتحريت العطاء من واحدٍلااعطا يمنّا
اتحرا مدة الي ماتمنن لو عطاني

يامهنا وين كسبك في المغازي يامهنّا
لااغتنى منك فقير ولاارتوى عندك ضماني

لاتمد لنّا يمينك وانت في يمناك حنّا
لين تكمل ركعتك ياناسي السبع المثاني

والمثل معروف في شام البلاد وفي يمنّا
من ضرا بالعشر في دنياه شام عن الثماني

ماوردنا فوق سام وفوق جاله ماقطنّا
لو بقى في العد مارد مايبس حبل السواني

ودلةٍ تبرد وهي من تحتها حامي لهبنا
مانذوق بهارها لو كان هيل وزعفراني

غيبتك يانجمنا هي والله اكبر ماشحنّا
والامايفرق علينا عيد الاضحى ورمضاني

والنهاية في البيوت الي على البيداء تبنّا
هكذا قصة شجاعٍ طاح من ظهر الحصاني

بتوجه صوب مانع واتشره واتعنّا
واتذكر صاحبي الي في المهمه مانساني

شرهتي مايحتملها كود راسك ياجملنّا
هات رايك في القضية والعمر كله ثواني