العصر في راس الطويله الحالي
عديت مشرافٍ براس العدامه
برً من الزحمه نفاهٍ و خالي
ما جاه واطي عقب وبل الغمامه
هاضت هواجيسي وشعري بدالي
طرا علي في قمة الشعر قامه
ذكرت بيتً في المراجل طرالي
قاله زبون المرجله والكرامه
بيتً ل مسلط صار مضرب مثالي
احتل له في قمة الشعر هامه
( انا مهبول و جايزٍ لي هبالي
هبال طيب ولا صحاوة رخامه)
كلن يقول البيت ليته حلالي
كم شاعرن عليه عض البهامه
لكنه ل مسلط كريم السبالي
ومن يطمح المثله عدته الملامه
بيتً ثمين وراعي البيت طالي
طال الكرم والمرجله والشهامه
هيف السمين و مرخصٍ للريالي
في المرجله والطيب كل اهتمامه
مسلط ابو شعيفان طيبه مثالي
من طيب راسه عاشقٍ للقرامه
النعم يطرا لا ذكر له مجالي
شيخن نسل شيخن عزيزن مقامه
من نسل شيخانن ترود المعالي
خيالة العشوى حماة الجهامه
عونن لنا يوم الوغى و القتالي
محزم ظفر يانعم منهم حزامه
قلته و ربعي ملحقين التوالي
لا ثار عج الخيل واركا عسامه
الاد عامر مثل شم الجبالي
الطيب والناموس نالوا سنامه
وسبيع عزٍ لي وهي راس مالي
قبيلةٍ و المجد تلبس وسامه
اي بالله الغلباء ولابه سوالي
بسلومها وفعولها في الزعامه
الذكرها أقف و طلوح اعقالي
ومن السطر أرمي وراه العمامه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.