يا بعد روح سارة

قربك هنى يا بعد روح سارة
حضنك دفى ما أمّل منّه
لا شفتك كن قلبي فيه غاره
تتسارع دقات قلبي غصب عنّه
يامالك الروح والقلب داره
سيف التغلّي بوجهي لا تسلّه
غلاك ما يوم قل مقداره
و طيفك لا حضر آه منّه
ودي من الزمن ساعة إعاره
بقعد معك عن الناس بجنة
قلبي لشوفتك زايد اصراره
عسى ما يخيب باللقاء ظنّه
ودي اعطي الناس عيون مستعارة
أبي يصدقون إن زينك فتنة
لكن عيون الناس للشر جبّارة
أخاف إن زينك بالحسد يسقنّه
عجل بالوصل يابعد روح سارة
و لا شفتني الحضن زيد منّه