شريط الذكرى

مل قلبٍ من الهم ان كوى
واه من خاطرٍ عيا يروق

لاقبل الليل هاجوسه ضوى
مع غروب الشفق لين الشروق

يستعيد الشريط و ما حوى
ذكرياتٍ تهيض للخفوق

كل ما جيت للمرقد نوى
صايبه من هوى خلّه فتوق

جادلٍ في محبتها هتوى
حبها و سط دمّه والعروق

شوفها راحت البال و دوا
تسعد اللي من الحزن مخنوق

عود موزٍ من الساقي روى
راويا مثل ما تروى العذوق

يتمايل معا ريح الهوا
كن ما هوب بالعظم مخلوق

كل من شاهد عيونه غوى
لو عقله على العاقل يفوق

لاتبسم و سلهِمهن سوى
ضيّع مشاهده كل الطروق

وان لمس رمشه الخد انطوى
كن رمشه من خدوده يذوق

ولا كسى خصره اللبس التوى
وان تحدر على ردفه يضوق

تقل ماله على ردفه قوى
قاصرٍ خطوته كنه معيوق

اشهد انه على الزين احتوى
واشهد اني على شوفه شفوق