المعيقلي

لـ طلال سويعد، ، في غير مُحدد، آخر تحديث

المعيقلي - طلال سويعد

يا علي مثلك بلا شك موجود
الدنيا ماتخلى من الزين فالناس

بس انت عندي طيب من جيد العود
كلما احترق يعطيك من طيب انفاس

ابومحمد اسم من نسل معدود
ربعه بلي دايم على الجود نوماس

اهل المواقف علمهم شي معهود
تاريخ مشرق من عقب عرق واساس

ابن عويضة معيقلي خيرجدود
طيب النبا والفعل له زاين قياس

ينوخ ركاب الثناء ورد مورود
ورد الصفاطه والكرم علم نبراس

يلزم حروفي تتجه يمه تزود
توصف رجل بالحق بالفعل قرناس

يحوم ويكسر من معاليه ويسود
مجايبه دايم على العين والرأس

له من حروف الشعر اوصاف وشهود
خطت يميني بعضها بصادق إحساس

© 2024 - موقع الشعر