ياهاجسي والشعر طنخه وتوظيف
و مثايلٍ فيها السوالف تقدا
ملح المجالس لا ثمرن السواليف
لوهي فعولن ما ضيات تردا
والشعر برهان الفعايل من الزيف
لو تندثر محدن عليها تعدا
والمدح في بعضه ذنوب وتحاسيف
وبعض المدايح و دك انها تهدا
وانا رقيت بعاليات المشاريف
ولقيت من يمه مديحي يودا
اللي عليه النعم لايق و تشريف
هذاك شعري يم مدحه تعدا
النعم يستاهله رجل المواقيف
اللي ليا جيته بالازم يسدا
ريف النشاما مكرم الجار والضيف
لا جاه قاصد حاجةً ما يصدا
مسلم ابوثنين والفعل قد شيف
انشهد انه بالمدايح مبدا
ابو سعد له المدايح مواليف
جمايله من كثرها ما تعدا
جاهه وماله دون وجهه معاريف
وبيبان بيته شرعت ما تردا
في مجلسه تلقى الشحم واشقر الكيف
والعود الازرق للنشاما يمدا
ومن جاه يشكي من هموم وصواديف
في ذمتي ما قد سمعته تردا
لاضاق صدرولاحسب للمصاريف
قرمن ماهو في صر ماله يشدا
تذكر معاريفه من السيف للسيف
في كل يوماً له صنيعاً يعدا
قلته وانا ما قول زودن وتطفيف
لكن في مدح العريب اتمدا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.