حب الصبى

شوف الغروب وغيبت الشمس ياسعود
تعيد ذكرى فاقدين الحبايب

ذكرى السنين تعود وتهيض العود
شاب الشعر والقلب ما هوب شايب

حبا على وقت الصبى ذاك مقصود
اللي لعب بالقلب لعب الهبايب

لا زال له في القلب حشمه و ماجود
لو كان قلبي من هواء اليوم طايب

حب الوفاء والصدق بالود منشود
وحب المصالح منّه القلب هايب

وانا على ذكراك يا لين العود
ما فيه يومن ما قصدت النصايب

ميس لقاء والقلب في حبك يزود
غايب ولكن منت بالقلب غايب

استشعر بحبك معا نسمة النود
تغيث شوقي مثل غيث السحايب

اوهم بها قلبٍ من الحزن ملهود
اللي عجزت القى لحزنه طبايب

هذا وانا ماخذ على نفسي عهود
منساك لو كثرت علي الطلايب

لو حطوا العذال من دونك حدود
ما تبت من حبك ولاني بتايب