لوعــات السنـين ..!! - منوهـ

قالت هجوسي يوم غنت في القصيد ابلا هوى
فيض ن تغنت به من احساس الشعور اللي دفين

اتصدقون اني جمعت الدمع والضحكه سوى
جمعتهٌن بشعور ماهو باللي انتم عارفين

واني لقيت الخنجر الجارح بعد جرحه دوى
ولقيت في درب اليمين يمين بيمين اليمين

ولقيت لحظه للعطش هداج مايقطع روى
ولقيت لحظه كل خلق الله فيها مستوين

لقيت بجذوع النخل نخله بلا جذر ونوى
سبحان خالقها اله الكون رب العالمين

ولقيت من مكواه زٌود من غلاته لو كوى
يقولها من جرب الفرقا ولوعات السنين

ليلة خروجي صابني من هاجسي مابه لوى
وقلت ماني راويه وانقل هروج الطيبين

سير من طيب المشاعر لين ماتلحق روى
فيه من نظم الكلام اللي عليه الناظمين

انقل احساس المشاعر كل ابوها من سوى
لين ما يعلى جلال الكلمه اللي تستبين

شاعره واكتب على وزن القصيد اليا استوى
ابدع الافكار من راسي واظمنها الكمين

© 2024 - موقع الشعر