عن مليح الوصف - عبدالله خالد البكر

عن مليح الوصف بازيد الكلام
والكلام يزود في وصف المليح

علّها من حسن ظن وانسجام
والمعاني في خفوقٍ مايبيح 

خلّي اللي شدنّي بين الانام
تَلّ قلبٍ في مغبّاته طريح

اشهد انه طب قلب المستهام
واشهد انه غاية العقل الرجيح

شيب عين اللي عذابه باللثام
واللثام صويحبه غِرّ ٍ سميح

لابدا  بالسلهمه نبّ السهام
ياكثر مافي وسط قلبي تطيح

والهوى والغي واكناف الظلام 
والعنا والياس والسم الذحيح

والعذل والشك واسباب الملام 
ذي تصاريف المحبه ماتريح

انشد اللي من المغيب اليا الجهام
يسبر من التجربه علمٍ صحيح

ياسعد ماعاد بي كود الحطام
من يخفّي دمعة الموق الفضيح

ياسعد واثر العواقب بالختام
ياسعد من ماضي العمر استميح

ماهويت الا الشعر من الف عام
وماجذبني بالكلام الا الصريح

وماعشقت الا سليلات الحشام
وماربعت الا لفعل ابن فريح

واللغاوي والملغهّ  والهلام
والطفافه والتطرّف والطميح 

يشهدالله بعدها بعد الخزام 
عن بعاد طريف وشهوق الوضيح

عاشق اللي ماتلَدّ ولا ترام
منوة القلب المشقّى والجريح

وان عطبني زمّ ياراع الزمام
اعرف انه ماجذبني الا الصريح

© 2024 - موقع الشعر