سمي العود

لـ منوهـ، ، في غير مُحدد

سمي العود - منوهـ

سلام يا فارس انخيله من بعيد
أقبل علينا مثل شمس ن جليه

قرب شوي وبان للعلم تأكيد
هذا حفيد العود واسمه سميه

هذا وريث العز نسل الصناديد
النار جت من نار والنار حيه

لو يحملن كل امهات المواليد
والله مايلدن مواليد زيه

كل المراجل حاشها والله يزيد
خذها غصيبه ما خذاها هديه

مبروك فرحة سيدي كنها العيد
والله يكتب له ليالي هنيه

انوارها تغري هل القاف بقصيد
كل ن يغني لك لحون ن شجيه

ياسيدي مبروك مبروك وتعيد
ماقل دل ولك سلام وتحيه

© 2024 - موقع الشعر