ودي اغني بالشعر فيك

قولوا ماشا الله.. و النور وقاد
باسم الله الرحمن بأيآته ارقيك

وبالله اعيذك من حسد كل حساد
واستودعه يا... حاضر وماضيك

ودي اغني بالشعر فيك وش عاد
يا... حرفي والمشااعر تناجيك

في ليلةٍ هي بالفرح ثالث اعياد
امك وحرفي والمشاعر تهنيك

والليلة اللي ضمت شيوخ واسياد
تاقف على قدر ومهابة تحييك

لبت فرحنا والفرح عندنا زاد
يوم ان لفتنا بالمشاعر تلبيك

ومشاعري تدعيلك بصدق ووداد
يالله عسى يا.. ربي يهنيك

وتقر عيني يالغلا بشوف الاحفاد
وتشوف شيخٍ يا... من مجانيك

... بنتي يا... بنت الاجواد
وانت الكريم و ياعسى الرب يحميك

ودي اغني بالشعر فيك وان جاد
هذا قليل ٍ ماوصل قلب مغليك

جعل الليالي بالفرح تبني امجاد
وجعل السعاده في حياتك تباريك

صنها بطيبك دام الاعمار تنقاد
وعلى غلاها والمشاعر لا وصيك

هذي جواهر نادرة ف امة الضاد
ام المعالي وتحت إمرة معاليك

قولوا ماشا الله .. و النور وقاد
باسم الله الرحمن بأيآته ارقيك