هـيـضـتـني يابدر..ليه المجــاكر - حسين العسيري

هيضتني يابدر..ليه المجاكر؟
................... أعطيتني علمٍ طبع لي علامه
حدّدت صوب الشام بكره مسافر
...................ذكرتني باللي على الخد شامه !
اللي ذبحني ودكّني بالخناجر
...............حطّم فؤادي واستقرّ ف حطامه
فدواه قلبي والحشى والنواظر
...................أشقاني الله يوم ركّب زمامه
عليه نظراتٍ تهيب الكواسر
.................والصوت لا غنّا نشيد الحمامه
والشَعر لا فلّه تعدى الخواصر
...............وفي هرجته جمّله تزيد إحترامه
لا قال لي .ألبي . وعمري . وآمر
.................الجسم يتراعد وترقص عضامه
حدّي هنا م بوصف اللي أنت خابر
....................أخاف اروّح للضواري طعامه
ولو بوصفه قلتو تخاريف شاعر
....................وإلا نقدتوني وزد توا الملامه
حبّه ذبحني حيل وأزريت أكابر
.....................من سبّته قلبي يزيد انعدامه
اكتب لك ودمعي يطوف المحاجر
....................ابكي ووجهي تعتليه ابتسامه
لاني فسوقٍ بالمعاصي مجاهر
...................لا كنّ نفسي بأرضهم مستهامه
والله لولا بدلتي والأوامر
.................لا أسكن بها حتى تقوم القيامه
أوصيك يا صاحبي يا المسافر
.....................لا تلبس البنطال وإلبس عمامه
ولا تشرب من الكاس إحذر وحاذر
..................وإما سمعت النصح تلقى الندامه
ولا تلعب الميّسر بقرشك تقامر
...................في دارهم قرشك يساوي الكرامه
ولا ترح لهم مسّلم وترّتد كافر
.....................وخلّك على دين الشيم والشهامه
وان شفت مزيونه بعد لا تغامر
.......................فهمك كفايه ولا تعوقك فهامه
ولا تسكن ف برزة وخلّ العماير
.........................إسكن بفلّه كل أبوها فخامه
حبيت أدلّك واعرفك مانت قاصر
......................وعطني علومك لا رجعت بسلامه
© 2024 - موقع الشعر