قلبي تمرّد

ياونتي من ساعة الصبح للحين ..
...........كان الهوى ماله بقلبك مكانه
ياللي حكمتيني بحكم السلاطين ..
..........ما ترحمين اللي حدابه زمانه؟
جيتك ابي منّك عبارات تطمين ..
............جيتك أدور في خفوقك حنانه
يابنت ما يكفي تحملت عامين ..
...........عامين صبر ولا كسبت الميانه
قلبك عليه أقفال وسياج تأمين ..
......ما ينفتح قفله ولو للصاينه
حاولت اقدّم للمعزة براهين ..
.......ولا فادني تقديم صك الضمانه
مدري تغلي أو سلوم الملاعين ..
........وأشين طباع الناس طبع اللعانه
مالك ف قلبي حب لك بس حبين..
............وآشوف في صدك لقلبي إهانه
ترى المشاعرما لها حكم تقنين ..
..........اكبر معاني الحب ود وليانه