يا صباح الخير في أول نهارك

يا صباح الخير في أول نهارك
................. يا شعوب العز كلن في محلّه
أصبح العالم على صوت انتصارك
................. والخبر مشهود في دقّه وجلّه
ريّس(ن) ما بين متخلّي وتارك
................ والأمن للحين ما حيٍ وصل له
أصبحت (تونس) على طاغوت فارك
............... في ظلام الليل طيّاره تقلّه
وقبّح الله فِعْلة (الحصني مبارك )
.............خاطف الدولة وسَلّمْهَا ل ثُلَّه
و(ليبيا) ملّت (عوا )كلب الجمارك
............. شعبها شبعان لكن دون مِلّه
(واليمن) فيها مسيرات وتعارك
............. واقتصادٍ مات وايا الشعب كلّه
(وسوريا) ذابت على نار المعارك
............ شعبها يرفض حياةٍ له مذلّه
يا (نجاد) أخرس من اللي استشارك
............ مشعل الفتنه عسى ربي يذلّه
اسألك يارب يا مُنْزِل (تَبَارَك)
............ في يديك الملك تعطيه وتتلّه
تحفظ بلادي وفي شعبي تُبَارِك
............ رافعين الدين نحميه ونِجِلّه