حرف الكتابة

البارحه في تالي الليل واعي
ألعب علي حرف الكتابه وأسلّيه

في خاطري شيٍ عليه اندفاعي
وودي ولا ودي أبيّن خوافيه

تعبت واتعبني لك الله سماعي
ولا لقيت اللي قراني وأحيّيه

واجيه لو دونه مخالب وداعي
واطش حملٍ ضيّع اللي يمنّيه

واشطب علي حرف الشقى والضياعي
واعوَد لحرفٍ له سنين ناسيه

من صدتي له كن جوفي أفاعي
تنهش بوسطي تنتقم له وتحييه

ياليل لا تجحد ولاني بساعي
في وحشتك والبيت بانيه بانيه

وليا كتبته لك ما فيه داعي
ما فيه داعي تجحده خذ بياديه

من يوم ما أتعبني لك الله سماعي
والحرف ما أدري ليه أخطّه وأسلّيه