تفضحني العبره!!!

للحزن في وجهي علامات ورموز
ادراه عنهم عل ما يلحضونه

تفضحني العبره ويدركني العوز
ويهل وابل دمعتي من مزونه

في داخلي رمحٍ من الغدر مركوز
يطول عمري ما تلاشت طعونه

من جور فعلك به تباريح وحزوز
ترقص على جرحه غرايب لحونه

هو ذنبي ان حبك مخبى ومكنوز؟
وإن بار خلي والله اني ما اخونه

من بعد ما كان الفرح داخلي ينوز
استوطنه حزنه ويّبس غصونه

ياصاحبي لك بالحشى حب محجوز
من غبت عنه خالياتٍ ركونه

لا ناقصٍ قدرك ولا هو بمهزوز
وما غير شخصك تمتلي به عيونه