لعنة التفاح

وش تسأل / البارات / في دمع الايتام
والا الحرير / وش يطلب / فْ ملمس الصوف
 
رعشة شفاهك / إيقظت فيني اقوام
لبّت لك / افرادا وسارت لك / صْفوف
 
لا تستحي / قل ما تبي / لو فَ الاحلام
وابشر بمطلوبك ولو دونه سْيوف
 
شاور / برمش العين واقضب / بالابهام
ويْجيك / ماتبغى / غصب مو بَ/ معروف
 
هي بس / قصيدة / سهّرت عينك / ايام.!
كل القصايد / كلها / اقبالك وْقوف
 
فكّر بشي / اكبر من حْدود / مرسام
شي ٍ / يليق بْمركزك / داخل الجوف
 
فكّر / بَنيل الشمس / تحطيم الاهرام
والا القصايد؟ / خلها / فوق ال\رْفوف\
 
لك الله اللي / في يدَي / ماهي / اقلام
\ميلان\..ونجومه / معي جاتك / حْروف
 
كافو ومالْديني وَنسْتا وْيابَ سْتام
وافْيَيْري وْشيفا وَكاكا وسدروف
 
الشعر / بيتك وانت / مفتاح الالهام
وانا وحرفي والفضا / عندك / ضْيوف
 
ل اصنع عليك / كْويت وآصير / صدّام
واجيك غازي / فازع مْألّف ألوف
 
ماهيب / فزعات العرب / كذب واوهام
فزعة / غشيم ٍقرم / ماناشهاخوف
 
لو ما نزع / سبع الجهل / طهْر الاسلام
لتْكون / ثامنها وحولينك / نْطوف
 
والله ل اسوق / الحرف قدام / قدام
لينه / يغنّي للسما / باسمك اوف / اوف
 
(!؟!؟) / اسمك / إلغى بعده / آلاف الاعلام
وش هند / وش غاده / وش احلام / وش نوف.!
 
غيرك يمر ّ / القلب والقلب / ما قام
وانته على / ذكر اسمك يْقوم / ملهوف!
 
أبك انت / منت أي شخص / أبك انت / ضرغام
ملك / على / من لا يشووف وْمن يْشوف
 
في يدْك / تزرعني / على حْدودك / إلغام
وبْيدْك / تلبسني / عن البرد / نفنوف
 
وبْيدْك / تاخذني / على صدرك / وْسام
وان طحت / في ملقوف / بيديك / ملقوف
 
يا/ لعنة التفّاح / مرحى بالآثام
من نار / إلى نار وْمن شْفاه / الى كْفوف
 
كلك / جمر من راسك / لْماطى الاقدام
مدري / ش وصّف؟ / ضاعت وْصوف / بوْصوف
 
كانت قصيدة / حلمها / بْعينك تْنام
واثرْ بَعينك / موت وسْيوفك / سْيوف