تارة يزين الحال ويشين تاره
واهيم في بحر الدهى والتعاجيب
شفت الحياة ألوان بأبسط عباره
وأصبح ردي النفس ماياصله عيب
كنّه أمير ومحتكر له إماره
يامر على من يجهل الجود والطيب
وكلن على ماقيل بيّض سماره
زادو عليه من الثنا والتكاذيب
رزّوه بين الناس عز وجداره
وراع العلوم الغانمة بالسراديب
مدري علام الناس تنصب جهاره
صارو مع الغلطة ربوع ومعازيب
وشفت النصب بين الأوادم شطاره
كلن تفنن بالدجل والتلاعيب
يلعن أبوه المال وأيض الإداره
اللي ترز أبا الحصاني على الذيب
له المراجل والوفا والصداره
ولنا المذله والعفن والعذاريب
الله عليها لامشت باستدارة
دنيا تجيب أشكالها بالتقاليب
ياذا الحديد اللي تقادح شراره
مالك أمان وهرجتي مابها ريب
لاني من آل سعود وإلا السداره
ولاني من أهل المال واهل التحاسيب
أنا مواطن راس ماله وقاره
أطلب لي الغفران من عالم الغيب
واطلب من الله ماتزيد الخساره
ولايتفرق شملنا بالمزاريب
الحر يكفيه الفهم ب الإشاره
وماله لزوم الشرح وسط المكاتيب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.