عاشق الزين - فريحه العوض

يا جيت أنا بهجرك تطري عليه
تطري عليه عشرتك يا اريش العين

يا عشرتي وياك ما هي رديه
مير العواذل تفرق أثنين غالين

كنا أنا وياك نمشي سويه
وكنا بدرب الحب أثنين صافين

وحسبي على العدوان وما قيل ليه
كانوا يسبونك بالشين يا زين

كانوا يسبونك بعيد الضحيه
وطفوا عليه فرحتي آه قاسين

وادري جوك وقالوا الهرج بيه
أحذر تطيع الهرج يا عاشق الزين

أنا أحبك وافتخر بالحميه
أنته عيوني أو أغلا من العين

هذي الصراحه والصراحه رضيه
والله يخليكم وتكون راضين

حبك معي صارت حباله قويه
وأنا اصون العشق بكره وهالحين

فريحه العوض
© 2024 - موقع الشعر